ХАМАСтын саясий бюросунун мүчөсү Махмуд Мардави АКШнын президенти Дональд Трамптын Газа секторундагы жаңжал боюнча планынын алкагында кыймыл куралын тапшырат деген маалымат каражаттарындагы билдирүүлөрдү төгүндөдү.
Бул тууралуу палестиналык кыймылдын Telegram-каналында жарыяланган билдирүүдө айтылат.
«Махмуд Мардави Al Hadath телеканалы жана башка бир катар маалымат каражаттары тараткан Газа секторундагы ок атышууну токтотуу боюнча сүйлөшүүлөрдүн жүрүшү жана кыймылдын курал тапшыруу позициясы тууралуу жалган дооматтарды четке какты», — деп айтылат билдирүүдө.
Палестиналык ХАМАС кыймылы Газа секторунда туткунга алынган израилдик жарандарды бошотууга жана курал тапшырууга даяр экенин билдирди.
Бул тууралуу Al Hadath телеканалы кыймылдагы булакка таянып маалымдады.
Маалыматка караганда, ХАМАСтын өкүлдөрү бардык тирүү израилдик туткундарды бир күндүн ичинде бошотууга убада беришкен. Бирок курман болгондордун сөөгүн өткөрүп берүү үчүн палестин тарапка «кошумча убакыт» талап кылынары белгиленет. Ошол эле учурда АКШ бул маселе боюнча «ийкемдүү мамиле жасоого даяр» экенин билдирген.
Билдирүүдө айтылгандай, ХАМАС өз куралын БУУнун көзөмөлүндө түзүлө турган, мисирлик жана палестиндик коопсуздук күчтөрүнөн турган атайын органга тапшырууга даяр. Эгер кыймылдын жетекчилиги өз убадасын аткарса, анда Газадагы өкүлдөр шаарды кааласа таштап чыгууга мүмкүнчүлүк алышат. Ошондой эле аларга АКШ тарабынан кийинчерээк аларга каршы кол салуу болбойт деген кепилдик берилет», — деп белгиледи булак.

















