125 Категория: Туркменистан - Published: 18/04 - 08:36

БИШКЕК, 18-апрель. — Eurasia Today. Түркмөнстандын экс-президенти Гурбангулы Бердымухамедов Түркмөнстандын аксакалы катары Түрк тилдүү мамлекеттердин Аксакалдар кеңешине мүчө болуп шайланды.

Бул тууралуу аталган уюмдун сайты маалымдады.

Түркмөнстандын Халк Маслахаты улуу жыйынынын төрагасы Гурбангулы Бердымухамедов 2019-жылдын сентябрь айында өлкөнүн эгемендүүлүгүнүн 28 жылдыгына карата, ошондой эле жарандардын өтүнүчү боюнча Элдин ардактуу аксакалы наамына татыган.

Уюмдун катчылыгы Түркмөнстандын экс-президенти өзүнүн акылмандыгы, тажрыйбасы жана билими менен Аксакалдар кеңешинин баалуулуктарын мындан ары да байытып, уюмдун беделин жогорулатат деп эсептейт.

Белгилей кетсек, 2021-жылдын ноябрында Түркмөнстан Түрк Кеңешине байкоочу катары кабыл алынган.

Теги: