• Саясат
  • Экономика
  • Коом
 
493 Категория: Туркменистан - Published: 21/07 - 09:37

БИШКЕК, 21-июль. — Eurasia Today. Түркмөнстанда белгисиз жагдайда 18 аскер каза болду.

Алардын кеминде экөө офицерлер. Каза болгон жоокерлердин сөөгүн табытка салып келип, жакындарына аны ачууга тыюу салышкан. Бул маалыматты "Азаттыктын" түркмөн кызматына эки булак ырастады.
Маалыматка ылайык, лебаптык алты аскердин сөөгү 18-июлда жерге берүү үчүн туулган жерине жеткирилген.
Лебаптагы "Азаттыктын" кабарчысы каза болгон эки жоокердин айылдарына барып, маркумдардын сөөгү 19-июлда жерге берилгенин кабарлады. Каза болгондордун жакындарына бийлик органдары аскерлер Ашхабадга жакын жерде автокырсыкка кабылганын айтышкан, бирок "Азаттыктын" булактары буга ишенбей турушат. Себеби, маркумдардын сөөгүн түркмөн-ооган чек арасындагы Мары аймагынан алып келишкен.
Ооганстан менен чектешкен Мары аймагында Серхетабад жана Тахтабазар чек ара бекеттери жайгашкан. Соңку мезгилде Ооганстандагы кырдаал курчуп кеткендиктен түркмөн бийлиги аталган бекеттерге кошумча күчтөрдү тартып жаткан. "Азаттыктын" кабарчылары 18 жоокердин өлүмүнүн жагдайларын жана чынында эле автокырсыктан каза болгонун тактай элек.
Авторитардык режим өкүм сүргөн Түркмөнстанда бийлик жарандардан маалыматтарды жашырып келет.

Теги:

Валюта курсу

IRR
0.02
+0.50
USD
84.71
+0.01
EUR
100.39
-0.26
KZT
0.20
-0.05
RUB
1.16
+0.12
TJS
7.49
+0.59
TMT
24.22
+0.59
UZS
0.01
0.00

Аба ырайы

 

+26°C Тегеран
+17°C Москва
+17°C Нур-Султан
+18°C Бишкек
+18°C Алматы
+25°C Дүйшөмбү
+26°C Ашхабад
+23°C Ташкент

Соцсети