18-27-май күндөрү КР Саламаттык сактоо министрлигине караштуу Улуттук Госпиталда Кытайдын офтальмолог-дарыгерлери бейтаптарды акысыз текшерүүдөн өткөрүп, катаракта боюнча операцияларды жүргүзүшөт.
Бул тууралуу Саламаттыкты сактоо министрлигинин басма сөз кызматы кабарлады.
Операциялар «Экспресс-ден соолук – жаркын саякат» эл аралык долбоорунун алкагында жүргүзүлөт.
Долбоордун алкагында катаракта диагнозу коюлган бейтаптарга 300 операция жасоо пландалууда. Операциялар амбулатордук негизде жүргүзүлөт.
Бейтаптарды каттоо 2026-жылдын 12-майынан 18-майына чейин жүргүзүлөт.
Каттоо убактысы: иш күндөрү саат 09:00дөн 16:00гө чейин.
Байланыш телефону: 0 (555) 025-171
Дареги: Бишкек шаары, Тоголок Молдо көчөсү, 1.
Катталуу үчүн төмөнкү документтер талап кылынат:
• жашаган жери боюнча Үй бүлөлүк медицина барборунан офтальмолог-дарыгердин жолдомосу;
• көкүрөк органдарынын рентгенографиясы;
• ЭКГ;
• кандын жалпы анализи, кандагы канттын анализи, зааранын жалпы анализи;
• В жана С гепатиттеринин маркерлери;
• 64 жашка чейинки бейтаптар үчүн RW анализи;
• өздүгүн тастыктаган документтер жана бар болгон күбөлүктөр (пенсиялык, майыптык, “Баатыр эне” жана башка).

















