13-июнь күнү кечинде Иран Израилдин чабуулдарына жооп иретинде Израилдеги аскердик буталарга каршы “Чындык убада 3” операциясын баштады. Израилди көздөй жүздөгөн баллистикалык ракеталар учурулду. Чабуулдар этап-этабы менен жүргүзүлдү.
Бул тууралуу Иран Ислам революциясынын сакчылар корпусу билдиргенин иран ЖМКлары жазышты.
Израил тараптын реакциясы
Израил армиясы Ирандан өлкө аймагына ракеталар учурулганын ырастады. Өлкөдө аба чабуулу коркунучу жарыяланды. Тель-Авивде жана Иерусалимде бир нече жарылуулардын үнү угулганы маалымдалды. Өлкөнүн бүтүндөй калкына баш калкалоочу жайларга баш калкалоо буйругу берилди.
Израилдин маалымат каражаттары “Чындык убадасы 3” операциясынын алкагында Ирандын жооп иретиндеги ракеталык чабуулдарынын жаңы айлампасында Ашдод, Тель-Авив, Хайфа жана Беэр-Шеведеги стратегиялык позициялар бутага алынганын кабарлашканын Tasnim агенттиги жазды.
Ирандын расмий билдирүүлөрү жана максаттары
“Ислам революциясынын сакчылар корпусу “Чындык убада 3″ операциясын жүргүзүү менен сионисттик режимдин ондогон буталарына, анын ичинде аскердик борборлор, аба базалары үчүн кыйратуучу жана так жооп берип жатат”, – деп айтылат Fars агенттигинин билдирүүсүндө.
Tasnim агенттиги маалымдагандай, Ислам революциясынын сакчылар корпусунун командачысы Ахмад Вахиди “Чыныгы убада 3” операциясы канча зарыл болсо, ошончо улантыларын билдирди.
Ал Ирандын куралдуу күчтөрү Израилдеги 150дөн ашык бутага, анын ичинде “Неватим” авиабазасына сокку урганын билдирди.
Анын айтымында, Иран Овда жана Тель-Ноф авиабазаларыны да сокку урду.
“Бул операция сионисттик режим үчүн чоң сокку болду жана мындай соккулар кайталанышы мүмкүн. Бүгүн биз Израил туура эмес эсептеп, чоң жаңылыштык кетиргенин түшүнүүсү үчүн күчүбүздү көрсөттүк. Алар Иран жооп бербейт деп ойлошкон. Эми алар туура эмес эсептешкендигин түшүнүштү жана жаңы эле башталган кесепеттерди күтүш керек”, – деди Вахиди.
Израилдин Иранга каршы агрессиясы
Израилдин аба күчтөрү 13-июнда таңга маал Ирандагы өзөктүк программа жана аскердик объектилер менен байланышы бар делген ондогон буталарга сокку урду. Ошондой эле ирандык аскер командирлери да бутага алынган. Тегерандын ар кайсы аймактарында жана өлкөнүн башка шаарларында бир нече жардыруулардын үнү угулган.
Кол салуудан Ирандын Ислам революциясынын сакчылар корпусунун командири Хоссейн Салами, Ислам революциясынын сакчылар корпусунун генерал-майору Гуламали Рашид жана анын уулу, Куралдуу күчтөрдүн Башкы штабынын башчысы Мохаммад Багери, корпустун Аба-космос күчтөрүнүн командачысы Амир-Али Хажизаде, ошондой эле үч физик-окумуштуу каза болду.
Израилдин коргоо министри Исраэль Кац Тегеранга каршы “алдын-алуучу сокку урулганын” жарыялап, өлкө боюнча өзгөчө кырдаал жарыялаган.
Израилдин чабуулунан киийн Ислам революциясынын жогорку лидери аятолла Али Хаменеи Иран элине кайрылуу жасап, Израилди “катаал жана азаптуу тагдыр” күтүп турганын билдирген. Хаменеи ирандык аскерлердин “кубаттуу колу” жөөт мамлекетинин аракеттерин жазасыз калтырбайт деген.















