Видео

Орусиянын Тюмень облусунун Шестаков айылына жакын жерде Мишка аттуу ит жашайт. Ал Тобольск - Туртас унаа жолунда ээсин 11 жылдан бери күтүп келет. 2009-жылы Мишканын ээсин унаа сүзүп кеткен.Итти башка адамдар багып алганга аракеттенишкенде ал улуп, тамак да ичпей койгондуктан аны кайра кое беришкен.

Дадиванк монастыры менен коштошууга Армениянын булуң бурчунан жүздөгөн христиандар келишти. Ал Азербайжанга өткөн Тоолуу Карабак аймагында жайгашкан. Дадиванк дүйнөдөгү бардык армяндар үчүн негизги ыйык жайлардын бири болуп саналат. Баку храмга эч кандай коркунуч келтирилберин жана каалоочулар ал жерге келе алышарын билдирди. Учурда монастырь орусиялык тынчтык күчтөрүнүн коргоосунда турат.

Армян тарап Тоолуу Карабактын бир нече аймагын расмий түрдө Азербайжанга өткөрүп берди. Таанылбаган Тоолуу Карабак Республикасынын борбору Степанакерт (Ханкенди) Армениянын көзөмөлүндө калууда. Эми бул жерге орусиялык тынчтык күчтөрү жайгаштырылат. Москва Степанакертке ведомстволор аралык гуманитардык борбор жайгаштырууну пландап жатат. Согуш аракеттери башталганга чейин шаардын калкы 55 миңге жакын адамды түзгөн. Степанакерт шаары аймактагы башка көптөгөн калктуу конуштар сыяктуу эле талкаланды.

Египеттик археологдор Саккара аймагынан 2500 жылдык 100дөн ашуун саркофаг жана алтын жалатылган айкелдерди таап алышты. Саркофагдардын көбүнүн ичинде мумиялар болгон.

Тоолуу Карабактагы Карвачардын тургундары өз үйлөрүн өрттөп жатышат. Келишимге ылайык, шаар Азербайжанга өтүшү керек. Адамдар колунан келгендин бардыгын тышып чыгарып жатышат. Айрымдары дүкөндөрдү, турак жайларды жана подстанцияларды бузуп жатышат.

Түштүк Кореяда беткап кийбегендер жана туура эмес тагынгандар 95 доллар айып пул төлөйт. Бул өлкөнүн бийлиги жарандарга үйдөн беткапсыз чыкпоону сунуштоодо. Эми беткапты коомдук жайларда гана эмес, жумушта дагы тагынуу керек.

Колоннанын курамында бронетранспортерлор, автоунаа техникалары жана материалдык-техникалык камсыздоо каражаттары бар.

Кечээ, 11-ноябрда Сеулда учкучсуз учуучу такси көрсөтүлдү. Унаа K-drone деп аталган система менен башкарылат. Мындай таксилерди толугу менен ишке киргизүү 2028-жылга пландаштырылган.

Степанакерт менен Мартунинин жанында жарылуулардын үнү токтоду. Орусия, Армения жана Азербайжандын лидерлери ок атышууну токтотуу жөнүндө билдирүүгө кол коюшту. Тараптар өз позицияларында турушат; Карабакта орусиялык тынчтык күчтөрүнүн келүүсү күтүлүүдө.

Ак үйдүн имаратынын айланасындагы тосмолор алынып жатат. Мындай чечимди 5-6-октябрь күндөрү болгон революциянын натыйжасында келген республиканын жаңы бийлиги кабыл алды.

Венадагы террордук чабуулда 3 киши набыт болуп, 15и жаракат алды. Кылмышкерлердин бири жок кылынды, экинчисин издөө иштери улантылууда.

Кечээ, 30-октябрда Түркиянын Измир провинциясында күчү 6,6 баллга жеткен катуу жер титирөө болду. Андан улам 12 киши каза болуп, 522и жаракат алды.

Азия, Африка жана Жакынкы Чыгыш өлкөлөрүндө Францияга каршы демонстрациялар токтобой жатат. Демонстранттар Мухаммед пайгамбардын карикатурасынын жарыяланышына жана Франциянын президенти Эммануэль Макрондун билдирүүлөрүнө нааразычылык билдиришүүдө. Алар бул өлкөнүн желегин өрттөп, Макрондун сүрөтүн тебелеп-тепсеп, француз товарларына бойкот жарыялашууда.

Италиянын Сардиния аралындагы фермада өзгөчө жашыл түктүү күчүк туулду. Аны фисташка деп аташты. Күчүктүн мындай түстө туулушу мутация же гендик инженерия эмес. Күчүктүн мындай өңдө туулушуна энесинин курсагында жатканда өттөн чыккан жашыл зил себепчи болот. Убакыттын өтүшү менен пигмент жоголуп, түк кайрадан агарат.

Хабиб Нурмагомедов үчүнчү жолу чемпиондук курун коргоп, карьерасын жыйынтыктап жатканын айтты. Хабиб 29 беттеш өткөрүп, 29 жолу жеңишке жетти.

Дубайдагы Пальма Жумейра аралына дүйнөдөгү эң ири фонтан курулду. Фонтандын аянты 7000 чарчы метрден ашып, суусунун агымынын бийиктиги 105 метрге жетет. “Пальма” фонтаны дүйнөдөгү эң ири фонтан катары Гиннесстин рекорддор китебине киргизилди. Түстүү фонтан 3000ден ашуун жарык диод чырактары менен кооздолгон.

Бүгүн, 22-октябрь УКМКнын кызматкерлери кримтөбөл Камчы Көлбаевди кармашты.

Ташкенттеги "Навруз" паркында гастрономиялык фестиваль болуп өттү. Иш-чаранын конокторуна улуттук ашкананын тамактары сунушталып, узундугу 10 метр болгон шишкебек жасалды. Бул туурасында Sputnik Өзбекстан маалымдады.

Кечээ, 15-октябрь Кыргызстандын президенти Сооронбай Жээнбеков өз ыктыяры менен ээлеген кызматынан кетүү чечимин кабыл алганын жар салган.

Беларуссиянын бийлиги зарыл болсо нааразычылык акцияларында атайын техникалар жана аскер куралдары колдонуларын жарыялады.

Египеттик археологдор Саккара комплексинен мумиялар салынган 59 саркофаг жана байыркы кудайлардын 28 айкелин таап алышты. Бул туурасында өлкөнүн туризм министри билдирди. 2500 жылдык 59 табылганын 40ы эл алдына коюлду. Алардын бири журналисттердин катышуусунда ачылды. Адистердин айтымында, саркофагдан табылган мумияланган калдыктар байыркы грек аристократына же кечилге таандык болгон.

Япониянын кичинекей Нагоро айылы коркунучтуу тасма тартуу үчүн эң сонун жер болушу мүмкүн. Бул жерде болгону 27 адам жашайт, бирок айылда эл жыш жайгашкандай көрүнөт. Жакшылап караганда, жашоочулардын көпчүлүгү куурчактар ​​экендигин түшүнсө болот. Алар сүрөтчү Аяно Цукиминин колунан жаралган. Ал муну менен жалгыздык жана туулуп-өскөн айылынын ээн калуусу менен күрөшөт.

Тоолуу Карабахта Армения менен Азербайжандын ортосунда кайрадан жаңжал башталды. Эки тарапта тең каза болгондор жана жаракат алгандар бар, алардын арасында жай тургундар да бар. Баку менен Ереван аткылоонун башталышы үчүн бири-бирин күнөөлөшүүдө. Армения аскердик абал жана 55 жашка чейинки эркектерди мобилизациялоону жарыялады. Азербайжан дагы аскердик абал киргизди.

Москва шаарынын тургуну, 81 жаштагы Зинаида Пасечник коронавируска каршы вакцинанын сыноолоруна ыктыярдуу түрдө катышты. Ал муну менен карыларды эмдөө жасатууга үндөгүсү келген.

Токионун унаа токтоочу жайында ири автобус лабиринти пайда болду. Пандемиянын кесепетинен көптөгөн туристтик автобустар токтоочу жайда токтоп тургандыктан улам Токионун транспорттук компаниясы автобустардан ири лабиринт түзүүнү чечкен. Туристтер лабиринттен чыгуунун жолу кыйын экендигин белгилешүүдө.

Таиланддын "Thai Airways" авиакомпаниясы Бангкокто уникалдуу учак ресторанын ачты. Бармен жана официанттар стюарддардын формасын кийип иштешет. Ресторан күнүнө 2000 адамды тейлейт.

Кытайлык жаран карантин учурунда зериккендиктен улам аквариумдагы балыктарына футбол ойногонду үйрөткөн.

Түркиянын Стамбул шаарында “Cezeri” деп аталган учуучу унаанын алгачкы сыноосу ийгиликтүү өттү. Түрк инженерлери тарабынан долбоорлонуп, өндүрүлгөн “Cezeri” прототиби 10 метр бийиктикке көтөрүлдү. Бирок, бул учуучу авто унаа жакшыртылгандан кийин ылдамдыгы саатына 100 чакырымга чейин жетип, эки миң метр бийиктикке чейин көтөрүлүүсү күтүлүүдө.

Ливандын борбору Бейрут шаарында курулуп жаткан соода борборунда ири өрт чыкты. Өрт өчүрүүчүлөр өрттү өчүрө алышты.

Анкара шаарынын чет жакасын кумдуу бороон каптады. Кумдуу бороондон алты адам жаракат алды. Жергиликтүү тургундарга стихия кайтып келиши мүмкүн экендиги эскертилди.

Дубайда толугу менен роботтор башкарган алгачкы кафе ачылды. Бул роботтор кардарларга автоматтык түрдө кызмат көрсөтөт. Кафедеги кызматтын бул түрү коронавирус пандемиясы учурунда кыйла коопсузураак болуп саналат. Шаардагы “Dubai Festival City” заманбап бизнес жана көңүл ачуу районунда жайгашкан “RoboCafe” ар кандай органикалык ысык суусундуктарды, ошондой эле алкоголсуз коктейлдерди жана закускаларды сунуш кылат.

Бул укмуштуу көл Алтайда жайгашкан. Жылуу мезгилде ал кызгылт түскө боёлот. Бурлинск көлүндө Батыш Сибирдеги эң ири туз кендери бар. Анын түбүндө рельстер бар, аны бойлой туз комбайны жүрөт, бирок ал суу үстүндө жүрүп бараткандай сезилет.

Индонезиянын Батыш Ява аймагындагы Читарум дарыясы - планетадагы эң булганыч дарыя деп эсептелинет. 50 жыл мурун бул дарыядан балыктар кармалса, эми таштандылар кармалат. Ишканалар таштандыларын бул жерге төксө, тургундар дарыяны таштанды катары колдонушат. Ошол эле учурда, Читарум бассейнинде 5 миллиондой адам жашайт жана алар үчүн дарыя суунун жалгыз булагы болуп саналат.

Кечээ, 10-сентябрда Ливандын борбор шаары Бейруттун портунда дөңгөлөктөр жана унаа майлары сакталган кампада ири өрт чыкты. Дарыгерлердин айтымында, жабыркагандар болгон жок. Өрт менен ондогон өрт өчүрүүчү бригадалар алпурушуп, аларга аскердик тик учактар ​​жардам берди. Өрт кечке жакын өчүрүлдү.Өрттүн келип чыгуу себеби азырынча белгисиз. Версиялардын бири боюнча ошол жерде жарылуудан кийин калган таштандылар өрттөлүп, жалын кампага жайылып кеткен.

Нур-Султан шаарындагы "Кудайдын гүлү" деп аталган Ырыскелди Кажы мечити салттуу орнаменттер колдонулуп, постмодернизм стилинде курулган. Мечит үчүн электр энергиясын күн батареялары иштеп чыгарат.

Беларуссиянын шаарларында президенттик шайлоонун расмий жыйынтыгына каршы массалык нааразычылыктар токтобой жатат. Жекшемби күнү демонстрациялар "Биримдик маршы" деген жалпы аталышта уюштурулду.

Жакартанын (Индонезия) көчөлөрүнүн биринде ири 3D дарыя пайда болду. Долбоордун үстүнөн иштеген сүрөтчүлөр коронавирус пандемиясы учурунда адамдардын көңүлүн көтөрүүгө аракет кылышкан.

Бейрут портундагы жарылуу Ливандын борборунун экономикасына катуу сокку урду. Кырсыктан келтирилген зыяндын ордун толтуруу өтө кыйынга турат: ресторан тармагын калыбына келтирүүгө гана миллиард доллар талап кылынат.

Ооганстандын Парван провинциясында сел жүрүп, кеминде 70 киши каза таап, 100дөн ашууну жаракат алды. Жергиликтүү маалымат каражаттары жабыркагандардын көбү аялдар жана балдар экенин кабарлашууда.

Япониянын парктарында айнектен жасалган "акылдуу" дааратканалар пайда болду. Анын ичине адам кирип, эшигин жапкандан кийин ичи-тышы көрүнбөй калат. 2021-жылдын аягына чейин шаарда мындай 17 даараткана пайда болот. Алардын ар биринин өзгөчө өзгөчөлүктөрү бар болот.

Индиялык эки жаштагы Бхама бүт убактысын Ума Деви аттуу пили менен өткөрөт. Ал атасы менен бирге пилге тамак берип, андан соң ага отуруп алып чогуу сейилдөөгө чыгышат. Социалдык тармактарда кыз менен пилдин достугуна суктанышат, бирок кошуналары анын ата-энесин сынга алып, кичинекей Бхаманын коопсуздугуна тынчсызданышат.

Латвиялык ишкерлер айнектен жасалып, абада илинип турган адаттан тыш мейманкана курушту.

COVID-19га каршы дүйнөдөгү биринчи вакцина Орусияда катталды. Препарат Sputnik V деп аталды. Ал Гамалея борборунда жана "Биннофарм" компаниясында өндүрүлө баштайт. Аны биринчилерден болуп дарыгерлер алышат. Анын массалык өндүрүлүшү 2020-жылдын аягына пландаштырылды. Вакцинация акысыз жана ыктыярдуу болот.

Бейрут портундагы жарылууга байланыштуу өткөн массалык нааразылык акцияларынан кийин Ливандын өкмөтү отставкага кетти.

4-августта Ливандын борбор шаары Бейруттагы деңиз портунда эки катуу жарылуу болгон. Андан улам каза болгондордун саны 157ге жетип, 5000ден ашууну жаракат алды.

Иранда XVI — XVII кылымдарда сефевиддердин тушунда көгүчкөндөр үчүн атайын көп сандаган мунаралар курулган. Мындай тарыхый курулуштардын көбүн Ирандын Исфахан жана Йезд шаарларынан көрүүгө болот. Ирандыктар көгүчкөндөрдү алардын кыгын алуу үчүн багышкан. Көгүчкөндөрдүн кыгы ал кездерде топурак үчүн мыкты жер семирткич катары пайдаланылган. Качандыр бир убакытта Исфахан шаарында мындай курулуштардын саны 3 миңге жетчү, тилекке каршы бүгүнкү күнгө чейин өлкө боюнча 300дөй эле мунара сакталып калган. Алардын көпчүлүгү жарым-жартылай бузулган абалда турат.

Полиция офицерлери Томас Лейн жана Алекс Куэнг тарткан видеодон көрүп тургандай, тартип сакчыларынын бири Флойддун башына тапанча такап, Флойд аны атпоону суранган, андан кийин афро-америкалыкты унаадан сууруп чыгарышып, колуна кишен салышкан. Полиция кызматкерлери аны кызматтык унаага отургузууга көпкө аракет кылышат, бирок Флойд кыйкырып, ыйлап анын клаустрофобиясы бар экенин айткан. Флойд полициянын унаасынан ага дем жетпей жатканын айткан, бирок полиция ага эч кандай реакция кылган эмес.

Кечээ, 4-августта Ливандын борбор шаары Бейруттагы деңиз портунда болгон катуу жарылууда кеминде 78 адам каза болуп, 4000ге жакын адам жаракат алды.

Ливандын борбор шаары Бейрутта катуу жарылуу болду. Жарылуунун себептери азырынча белгисиз. Айрым маалымат булактары жүздөгөн адамдар жабыркаганын маалымдашууда.

Орусиянын Ямал-Ненецкий автономдуу аймагынын Сеяха айылынын тургундары мамонттун калдыктарын таап алышты. Бул табылганы Арктиканы изилдөө боюнча илимий борбордун окумуштуулары иликтейт.

Бүгүн, 30-июль Кыргыз өлкөсүндө коронавирустан каза болгондор үчүн Улуттук аза күтүү күнү. «Ата-Бейитте» коронавирустан каза болгон кыргызстандыктардын элесине арналган аза күтүү иш-чарасы болуп өттү. Ага өлкө президенти Сооронбай Жээнбеков жана жогорку даражалуу аткаминерлер катышты.

Британиялык "Virgin Galactic" компаниясы "SpaceshipTwo" туристтик космостук кемесинин интерьер-дизайнын көрсөттү. Суборбиталдык кеме коммерциялык космостук учууларга арналган.

Калямкари — ирандыктардын кездемеге сүрөт түшүрүү искусствосу болуп саналат. Сүрөт кол менен да жана атайын мөөр штамптарынын жардамы менен түшүрүлөт. Кездемеге негизинен тарыхый жайлардын, үй жана жапайы жаныбарлардын, музыканттардын, гүлдөрдүн сүрөттөрү жана арабеска, жазуулар, перс акындарынын чыгармаларындагы цитаталар түшүрүлөт. Калямкари пахта кездемесинен жасалып, аны жасоодо бир гана табигый боёктор колдонулат.

Кечээ, 24-июлда Түркиянын Стамбул шаарындагы Айя-София имаратында биринчи жолу жума намазы окулду. Ага миңдеген мусулмандар анын ичинде өлкө президенти Режеп Тайип Эрдоган катышты. Ыйык София 1934-жылдан бери музей болуп келген. Бирок июль айында Түркиянын Мамлекеттик Кеңеши аны мечит катары колдонууга уруксат берген.

Борж-е Милад - мунарасы Ирандын борбор шаары Тегеранда жайгашкан эң бийик имарат болуп саналат. Анын бийиктиги башындагы антеннанын учуна чейин 435 метрди түзөт. Мунара бир нече жылдардын бери Тегерандын негизги символдорунун бири жана жетишкендиги болуп, борбор шаардын сырткы көрүнүшүн толуктап турат. Мунаранын ичинде конокторду бир мүнөткө жеткирбей башына алып чыккан алты лифт кызмат кылат. Анын алдыңкы алты кабатында ар кандай соода борборлору жана көргөзмө залдары жайгашкан. Милад - эң сонун архитектуралык эстелик жана кооздугу менен дүйнө жүзүндөгү туристтерди өзүнө тартуучу Ирандагы жетишкендиктердин бири. Бул телемунара дүйнөдөгү эң бийик, кооз жана туристтер көп барган алты телемунаранын катарына кирет.

Орусиядагы Будданын эң ири айкелдеринин бири Бурятияда курулду. Конструкциянын каркасын жасоого 30 тоннадай металл кеткен. Монументтин бийиктиги 41 метр, туурасы 29 метр.

Украинанын Луцк шаарында барымтага алынган автобустун жүргүнчүлөрүнүн баары бошотулду. Бул окуядан эч ким жабыркаган жок. Террорчу кармалды.

Арктикада муздун эришинен улам ак аюлар 2100-жылга чейин жок болуп кетиши мүмкүн.

Гонконгдо акыркы бир суткада коронавирус жуктуруунун жаңы 108 учуру катталды. Буга байланыштуу бийлик катаал чектөө чараларын киргизип жатат.

Орусиянын Федералдык коопсуздук кызматы (ФСБ) Хабаровскиде эл көп чогулган жерде теракттын алдын алышты.

Орусияда коронавирустун вакцинасын сыноого катышкан ыктыярчылардын биринчи тобу Бурденко ооруканасынан чыгарылды. Изилдөөнүн максаты - препараттын коопсуздугун текшерүү. Сыноого катышкан 18 ыктыярчы эки жума бою дарыгерлердин көзөмөлүндө болду. Дарыгерлер препараттын эч кандай терс таасирлерин аныкташкан жок.

Орусиянын көптөгөн региондору коронавирустан улам өзүн изоляциялоо режимин узартышууда.

Ирандын борбор калаасы Тегерандагы "Азади" мунарасында коронавирус тууралуу лазердик шоу көрсөтүлдү.

Дүйнөлүк саламаттык сактоо уюмунун башкы директору Тедрос Адханом Гебрейесус жакынкы күндөрү дүйнөдө коронавирус жуктурган адамдардын саны бир миллиондон ашышы мүмкүн экенин билдирди. Ал акыркы бир жуманын ичинде вирустан өлгөндөрдүн саны эки эсеге көбөйгөнүн айтып, жакынкы күндөрү дүйнөдө коронавируска чалдыккандардын саны бир миллиондон ашып, курмандыктардын саны 50 миңге жетиши мүмкүн деп билдирди.

Республикалык штаб көчөдөн үйгө кайткандан кийин сактала турчу эрежелердин видеоролигин жарыялады.

Орусиянын Серпухов шаарынын асманында "Өзүңдү сакта - үйдө бол" деген жазуу пайда болду. Аны орусиялык учкучтар COVID- 19 вирусуна байланыштуу изоляцияны сактоо керектигин элдин эсине салып коюу үчүн калтырышты.